Select Page

City Union Bank



Share this page

ஒட்டுமொத்த இந்தியாவும் ஆவலுடன் காத்துக் கொண்டிருந்த 3 வழக்குகளில் உச்ச நீதிமன்றம் இன்று தீர்ப்பு வழங்குகிறது

சபரிமலை வழக்கு:

முதல் வழக்கு கேரள மாநிலத்தில் உள்ள சபரிமலை ஐயப்பன் கோயிலில் 10 முதல் 50 வயதுக்கு உட்பட்ட பெண்களும் தரிசிக்க வேண்டும் என்ற கோரிக்கையை அடிப்படையாகக் கொண்டது. இந்த கோயிலில் பல ஆண்டுகளாக குறிப்பிட்ட வயது பெண்களை அனுமதிக்கும் வழக்கம் இல்லை. இதுதொடர்பாக வழக்கை உச்ச நீதிமன்றத்தின் தலைமை நீதிபதியாக இருந்த தீபக் மிஸ்ரா தலைமையிலான 5 நீதிபதிகள் கொண்ட அரசியல் சாசன அமர்வு விசாரித்தது.

தலைவிரித்தாடும் காற்று மாசு பிரச்சனை…தலைநகரில் பள்ளிகளுக்கு ரெண்டு நாள்கள் லீவு!!

அதில் சபரிமலையில் எல்லா வயது பெண்களும் சாமி தரிசனம் செய்யலாம் என்று கடந்த ஆண்டு செப்டம்பர் 28ஆம் தேதி தீர்ப்பு வழங்கப்பட்டது. ஆனால் இதற்கு இந்து அமைப்புகளும், சில அரசியல் கட்சிகளும் எதிர்ப்பு தெரிவித்தன. இதனை எதிர்த்து 56 மறு ஆய்வு மனுக்கள், 4 ரிட் மனுக்கள் உள்ளிட்ட 65 மனுக்கள் தாக்கல் செய்யப்பட்டன.

இவை அனைத்தையும் தற்போதைய தலைமை நீதிபதி ரஞ்சன் கோகாய் தலைமையிலான அரசியல் சாசன அமர்வு விசாரித்தது. அனைத்து தரப்பு வாதங்களும் நிறைவு பெற்ற பின்னர், தேதி குறிப்பிடாமல் கடந்த பிப்ரவரி 6ஆம் தேதி தீர்ப்பு ஒத்தி வைக்கப்பட்டது. இந்த வழக்கில் 9 மாதங்களுக்கு பின், இன்று காலை 10.30 மணிக்கு தீர்ப்பு வழங்கப்படுகிறது.

* ரபேல் வழக்கு:

இரண்டாவது வழக்கு பிரான்ஸ் நாட்டில் இருந்து 36 ரபேல் போர் விமானங்களை மத்திய அரசு வாங்கியது தொடர்பானது. இதற்காக கடந்த 2016ஆம் ஆண்டு ஜனவரி 26ஆம் தேதி பிரதமர் மோடி தலைமையிலான மத்திய அரசு ஒப்பந்தம் போட்டது.

ஆனால் விமான விலை நிர்ணயம், டசால்ட் நிறுவனத்துடன் இணைந்து செயல்பட அனில் அம்பானியின் ரிலையன்ஸ் நிறுவனம் தேர்வு செய்யப்பட்டது என பல்வேறு விஷயங்களில் ஊழல் நடந்துள்ளதாக காங்கிரஸ் கட்சியின் மூத்த தலைவர் ராகுல் காந்தி குற்றம் சாட்டினார். இதுதொடர்பாக சிறப்பு புலனாய்வு குழு அமைக்கப்பட்டு, நீதிமன்ற மேற்பார்வையில் விசாரணை நடத்த வேண்டும் என்று கோரிக்கை முன்வைக்கப்பட்டது.

இப்போகூட ஒண்ணும் கெட்டுப் போகல… மெஜாரிட்டி இருக்குறவங்க மகாராஷ்டிராவில் ஆட்சி அமைக்கலாம்: அமித் ஷா நக்கல்

இதற்காக உச்ச நீதிமன்றத்தில் 6 வழக்குகள் தாக்கல் செய்யப்பட்டன. இந்த விசாரணையில் ரபேல் போர் விமான ஒப்பந்தத்தில் எந்த முறைகேடும் நடக்கவில்லை. இதற்கான ஆதாரங்கள் இல்லை என்று கூறி 6 வழக்குகளும் கடந்த டிசம்பர் 14ஆம் தேதி தள்ளுபடி செய்யப்பட்டது. இந்த தீர்ப்பை மறு ஆய்வு செய்யக் கோரி பல்வேறு தரப்பினர் தாக்கல் செய்ய மனுக்களை தலைமை நீதிபதி ரஞ்சன் கோகாய் தலைமையிலான அமர்வு விசாரித்தது.

அனைத்து தரப்பு வாதங்களுக்கு நிறைவு பெற்ற பின் கடந்த மே 10ஆம் தேதி தீர்ப்பு தேதி குறிப்பிடப்படாமல் ஒத்திவைக்கப்பட்டது. 6 மாதங்களுக்கு பின் இன்று தீர்ப்பு வழங்கப்படுகிறது.

* ராகுல் காந்தி வழக்கு:

ரபேல் விவகாரம் தொடர்பாக ஊடகங்களில் கசிந்த ஆவணங்கள் அடிப்படையில் மறு ஆய்வு மனுக்கள் மீது விசாரணை நடத்த கோரிக்கை விடப்பட்டது. அதனை ஏற்றுக் கொண்ட உச்ச நீதிமன்றம் புதிய ஆவணங்கள் அடிப்படையில் மறு ஆய்வு மனுக்கள் விசாரிக்கப்படும் என்று தெரிவித்தது.

தகுதீக்க எம்.எல்.ஏக்கள் நாளை பாஜகவில் இணைகின்றனர்: எடியூரப்பா தகவல்

இந்த தீர்ப்பு குறித்து “காவலாளியே திருடன் என உச்ச நீதிமன்றம் ஒப்புக் கொண்டது” என ராகுல் காந்தி கருத்து தெரிவித்திருந்தார். உச்ச நீதிமன்றத்தின் தீர்ப்பை திரித்துக் கூறிவிட்டதாக பாஜக சார்பில் ராகுல் காந்தி மீது வழக்கு தொடரப்பட்டது. இந்த வழக்கிலும் இன்று தீர்ப்பு வழங்கப்படுகிறது.


Share this page