Select Page

City Union Bank



Share this page

டியூசன் சென்டர் நடத்தி வந்த 28 வயது சஞ்சனா மற்றும் கூடுவாஞ்சேரியைச் சேர்ந்த 38 வயது பாலாஜி இருவரையும் காவல்துறையினர் கைது செய்தனர்.

டியூசன் படித்து வந்த 14 வயது மாணவி அவரது பெற்றோரிடம் கூறிய குற்றச்சாட்டின் அடிப்படையில் இவர்கள் கைது செய்யப்பட்டுள்ளனர்.

சென்னை தி.நகரில் இயங்கி வரும் குற்றம்சாட்டப்பட்ட டியூஷன் சென்டரில், 10 மற்றும் 12 ஆம் வகுப்பு மாணவர்கள் டியூஷன் படித்து வருகின்றனர். இந்த டியூசன் சென்டரை சஞ்சனா நடத்தி வர, அவருக்கு உதவி செய்வது போல் அடிக்கடி டியூஷன் சென்டருக்கு பாலாஜி சென்று வந்துள்ளார்.

அங்கு படிக்க வரும் மாணவ, மாணவிகளிடம் சகஜமாக பாலாஜி பழகியுள்ளார். பின்னர் மாணவர்களுக்குள் சகஜமாக பழக வைத்து புகைப்படம் மற்றும் வீடியோ எடுத்துள்ளார். இதை வைத்துக் கொண்டு மாணவிகளை மிரட்டி பாலியலுக்கு அழைத்துள்ளார். பாலியலுக்கு வசதியாக டியூஷன் சென்டருக்கு எதிரிலேயே ஒரு வீட்டை எடுத்து குடி இருந்து வந்துள்ளார்.

இதற்கு சஞ்சனாவும் உடந்தையாக இருந்துள்ளார். இதையடுத்து அவரையும் காவலதுறையினர் கைது செய்தனர்.

டியூஷனுக்கு வந்த 14 வயது மாணவியை, டியூஷனுக்கு வரும் மாணவருடன் பழக வைத்து, வீடியோ எடுத்து அதை வைத்துக் கொண்டு தொடர்ந்து மிரட்டி அந்த மாணவியிடம் பாலாஜி பாலியல் உறவு வைத்துக் கொண்டுள்ளார். அந்த மாணவியை மிரட்டி சஞ்சனா, பாலாஜி இருவரும் பணம் மற்றும் நகைகளை மிரட்டிப் பறித்துள்ளனர். இதேபோல் பல மாணவிகளிடம் நடந்து கொண்டு இருப்பதும் காவல் துறை விசாரணையில் தெரிய வந்துள்ளது.


Share this page