Select Page

City Union Bank



Share this page

ஜம்மு -காஷ்மீர் மாநிலத்துக்கு அளிக்கப்பட்டு வந்த சிறப்பு அந்தஸ்தை மத்திய அரசு, கடந்த ஆகஸ்ட் மாதம் ரத்து செய்தது. மேலும், அந்த மாநிலத்தை ஜம்மு, லடாக் என இரு யூனியன் பிரதேசங்களாகவும் பிரிக்கப்படுவதாகவும் மத்திய உள்துறை அமைச்சர் அமித் ஷா அதிரடியாக அறிவித்தார்.

மத்திய அரசின் இந்த அறிவிப்புகளை சிறிதும் விரும்பாத பாகிஸ்தான், தனது நாட்டு ராணுவத்தை கொண்டு, இந்திய – பாகிஸ்தான் எல்லைக் கட்டுப்பாட்டு கோட்டு பகுதிகளில் உள்ள இந்திய ராணுவ நிலைகள் மீதும், கிராமங்களின் மீதும் அத்துமீறி தொடர்ந்து தாக்குதல் நடத்தி வருகிறது.

மறுபுறம், பாகிஸ்தானில் இருந்து செயல்பட்டு வரும் பல்வேறு பயங்கரவாத அமைப்புகளைச் சேர்ந்தவர்கள், ஜம்மு -காஷ்மீர் மாநிலத்துக்குள் நுழைந்து கொலைவெறி தாக்குதல் நடத்த முயற்சித்து வருகின்றன.

அவர்களின் முயற்சியை நமது எல்லைப் பாதுகாப்புப் படையினர் முறியடித்து வந்தாலும், சமயத்தில் அவர்களின் கண்களில் மண்ணை தூவிவிட்டு, பயங்கரவாதிகள் உள்ளே நுழைந்து விடுகின்றனர்.

இன்று மாலையும் (அக்டோபர் 28) அப்படியான ஒரு தாக்குதலை பயங்கரவாதிகள் அரங்கேற்றியுள்ளனர்.
ஜம்மு -காஷ்மீர் மாநிலம், சோபூர் நகரின் பேருந்து நிலையம் அருகே, பாதுகாப்புப் பணியில் ஈடுபட்டிருந்த வீரர்களை குறிவைத்து பயங்கரவாதிகள் கையெறி குண்டு தாக்குதலை நடத்தினர்.

இத்தாக்குதலில் பாதுகாப்புப் படையினர் உள்பட மொத்தம் 15 பேர் படுகாயம் அடைந்தனர். அவர்களின் மூன்று பேரின் நிலைமை மிகவும் கவலைக்கிடமாக உள்ளதாக தகவல்கள் தெரிவிக்கின்றனர்.


Share this page