Select Page

City Union Bank



Share this page

ஆழ்துளைக் கிணற்றில் சிக்கிக் கொண்ட சிறுவன் சுஜித் வில்சனின் உடல், அழுகிய நிலையில் மீட்கப்பட்ட சம்பவம் பெரும் அதிர்ச்சியை ஏற்படுத்தியுள்ளது. இதையடுத்து இறுதி சடங்கிற்கு ஏற்பாடு செய்யப்பட்டுள்ளது.

இறந்த நிலையில் சுஜித் உடல் மீட்பு – மருத்துவமனையில் பிரேத பரிசோதனை!
ஹைலைட்ஸ்

  • சுஜித்தை யாராலும் உயிருடன் மீட்க முடியவில்லை
  • ஏற்றுக் கொள்ள முடியாத சிறுவன் சுஜித் வில்சனின் இழப்பு
கடந்த 5 நாட்களாக ஒட்டுமொத்த தமிழகமும் சுஜித் எப்படியும் உயிருடன் மீட்கப்பட்டு விடுவான் என்று எதிர்பார்த்து காத்துக் கொண்டிருந்தனர். ஆனால் அனைவரின் எண்ணங்களிலும் இடி விழுந்தது போன்று அதிர்ச்சிகரமான நிகழ்வு நடந்துள்ளது.

திருச்சி மாவட்டம் மணப்பாறை அருகே நடுக்காட்டுப்பட்டியில் ஆழ்துளைக் கிணற்றில் கடந்த 25ஆம் தேதி மாலை 5.30 மணியளவில் சிறுவன் சுஜித் தவறி விழுந்துள்ளான்.

பஞ்சாப் ” டூ” நடுக்காட்டுப்பட்டி…. சுஜித்தை மீட்க களமிறங்கும் விவசாயிகள் !!

இதையடுத்து தீயணைப்பு துறையினர், தேசிய மற்றும் மாநில பேரிடர் மீட்பு குழுவினர், ஆழ்துளைக் கிணறுகளில் நிபுணத்துவம் பெற்றவர்கள், புவியியல் மற்றும் வானிலை அறிஞர்கள் ஒன்றாக செயல்பட்டு சிறுவனை மீட்க முயற்சித்தனர்.

ஆனால் 25 அடியில் இருந்து 88 அடிக்கு சிறுவன் நழுவிச் சென்றான். அதன்பிறகு பக்கவாட்டில் துளையிடும் முயற்சியில் கடும் சவால்கள் நீடித்தன. 5 நாட்களாக சுமார் 82 மணி நேரம் சுஜித்தை மீட்க போராடினர்.

”65 அடி” குழிக்குள் சென்ற வீரர் மேலே வந்தடைந்தார்..!! இறுதி கட்டத்தை நெருங்கும் மீட்பு பணி..!

தமிழகம் மட்டுமல்லாது உலகத் தமிழர்களும் பிரார்த்தனை செய்தனர். ஆனால் இன்று அதிகாலை 4.30 மணியளவில் சுஜித் அழுகிய நிலையில் மீட்கப்பட்டதாக பேரதிர்ச்சி தரும் தகவலை வருவாய்த்துறை நிர்வாக ஆணையர் ராதாகிருஷ்ணன் செய்தியாளர்களிடம் தெரிவித்தார்.

யாராலும் ஏற்க முடியாத விஷயம், நம் கண் முன்னே நடந்தேறிவிட்டது. இதையடுத்து ஆம்புலன்ஸ் மூலம் மணப்பாறை அரசு தலைமை மருத்துவமனைக்கு கொண்டு செல்லப்பட்டது.

பக்கவாட்டு துளை அமைக்கும் பணி மிகப் பெரிய சவால்..! அதிகாரிகள் சொல்லும் அதிர்ச்சி…

அங்கு ஒரு மணி நேரத்திற்கு மேல் பிரேத பரிசோதனை செய்யப்பட்டது. இதையடுத்து பாத்திமாபுதூர் கல்லறைக்கு சுஜித்தின் உடல் கொண்டு செல்லப்பட்டது. அங்கு இறுதி சடங்குகள் நடைபெறுகின்றன.

சிறுவனின் உடலுக்கு தமிழக அமைச்சர்களும், அதிகாரிகளும், ஏராளமான பொதுமக்களும் தொடர்ந்து அஞ்சலி செலுத்தி வருகின்றனர்.


Share this page