Select Page

City Union Bank



Share this page

திமுக தலைவர் கருணாநிதியின் மறைவை முன்னிட்டு, ஒட்டுமொத்த தமிழகமும் இன்று வெறிச்சோடி காணப்படுகிறது.

தமிழகத்தின் முன்னாள் முதல்வரும், திமுக தலைவருமான கருணாநிதி, உடல்நலக்குறைவால் நேற்று மாலை காலமானர். அவரது மறைவு உலகம் முழுவதும் வாழும் ஒட்டுமொத்த தமிழகமக்களிடையேயும் மீளாத்துயரத்தை ஏற்படுத்தி உள்ளது. சென்னை ராஜாஜி அரங்கத்தில் வைக்கப்பட்டுள்ள அவரது உடலுக்கு ஏராளமானோர் அஞ்சலி செலுத்தி வருகின்றனர்.

இந்த நிலையில் கருணாநிதியின் உடலை மெரினாவில் அடக்கம் செய்வதில் சட்டசிக்கல் இருப்பதாக தமிழக அரசு அறிவித்தது, மக்களை மேலும் அதிர்ச்சியில் ஆழ்த்தியது. மெரினாவில் அண்ணா சமாதி முன் தனது உடலை அடக்கம் செய்ய வேண்டும் என்பது கலைஞரின் இறுதி ஆசை. அதை நிறைவேற்ற தமிழக அரசு உரிய நடவடிக்கை எடுக்க வேண்டும் என தொண்டர்கள் மற்றும் பொதுமக்கள் கோரிக்கை விடுத்துள்ளனர்.

இந்த நிலையில் திமுக தலைவர் கருணாநிதியின் மறைவை முன்னிட்டு, ஒட்டுமொத்த தமிழகமும் இன்று வெறிச்சோடி காணப்படுகிறது. இன்று காலையில் பால் பாக்கெட்டுகளை விற்பனை செய்வதற்காக மட்டும் வியாபாரிகள் கடைகளை திறந்து வைத்திருந்தனர். சென்னையில் எப்போதும் பரபரப்பாக காணப்படும், டி.நகர், வடபழனி, கோயேம்பேடு உள்ளிட்ட இடங்கள் ஆள் நடமாட்டம் இல்லாமலும், போக்குவரத்து சேவை இல்லாமலும் முற்றிலும் வெறிச்சோடி காணப்பட்டது.

கோயம்பேடு பேருந்து நிலையத்தில் வெளியூர்களுக்கு செல்லும் பேருந்துகள் எதுவும் இயக்கப்படவில்லை. மாநகர பேருந்துகள் எதுவும் ஓடாததால் அங்கு அனைத்து பேருந்து நிறுத்தங்களும் வெறிச்சோடி காணப்பட்டது. மின்சார ரெயில்களும், மெட்ரோ ரெயில்களும் வழக்கம் போல இயங்கி வருகின்றன. தமிழகம் முழுவதும் உள்ள அனைத்து மாவட்டங்களிலும் பெரும்பாலும் இதே நிலைதான் காணப்படுகிறது.


Share this page